By:- বঙাইগাঁও ৰ পৰা ষ্টাফ ৰিপৰ্টাৰ প্ৰফুল্ল কুমাৰ দাস।

বিশ্বৰ প্ৰথমটো গণতান্ত্ৰিক দেশ ভাৰতৰ ৰাজধানী নতুন দিল্লীৰ বিজ্ঞান ভৱন আৰু উত্তৰ পূৰ্বাঞ্চলৰ দুৱাৰমুখ অসমত কেন্দ্ৰীয় আৰু ৰাজ্য চৰকাৰৰ উদ্যোগত আজিৰে পৰা অহা ২৪নৱেম্বৰলৈ আৰম্ভ হৈছে বীৰলাচিত বৰফুকনৰ চাৰিশ বৰ্ষ সংখ্যক জন্ম জয়ন্তী । একেদৰে সমগ্ৰ নামনী অসমৰ প্ৰতিটো জিলা ক্ৰমে বঙাইগাঁও, বৰপেটা,বাক্সা, চিৰাং, কোকৰাঝাৰ, ধুবুৰী, গোৱালপাৰা আৰু দক্ষিণ শালমাৰাত চৰকাৰী ভাৱে জিলা উপায়ুক্ত আৰু জিলা আৰক্ষী অধীক্ষক সকলৰ নেতৃত্বত আজি ৰাতিপুৱা আৰম্ভ কৰিছে মাৰ্চ-পাষ্ট সমদল। বঙাইগাঁও জিলাত সদৰ চহৰৰ গান্ধীময়দানৰ পৰা আৰু যোগীঘোপা ব্ৰহ্মপুত্ৰ নৈৰ নৰনাৰায়ণ সেতুৰ পৰা আৰম্ভ কৰে। সেইদৰে চিৰাং, কোকৰাঝাৰ জিলাটো এক সু-বিশাল মার্চ-পাষ্ট প্ৰদৰ্শন কৰে । ইফালে কোকৰাঝাৰ চৰকাৰী উচ্চতৰ মাধ্যমিক আৰু বহুমূখী বিদ্যালয়ৰ খেলপথাৰত কোকৰাঝাৰ জিলা আৰক্ষীৰ উদ্যোগত এক বিশাল মাৰ্চ পাষ্ট সমদল উলিওৱা হয় ৷ কোকৰাঝাৰ চহৰৰ জে ডি ৰোডলৈ উলিওৱা মাষ্ট পাষ্ট সমদলক পতাকা জোকাৰি শুভাৰম্ভ কৰে বড়োলেণ্ড বিশ্ববিদ্যালয়ৰ উপাচাৰ্য লাইশ্ৰাম লাড্ডু সিং আৰু উপস্থিত থাকে জিলা আৰক্ষী অধীক্ষক পুষ্প ৰাজ সিং আৰু অতিৰিক্ত আৰক্ষী অধীক্ষক নবনীতা শৰ্মা ৷ আজিৰ মাষ্ট পাষ্টত সপ্তম অসম আৰক্ষী বেটেলিয়ান, ১২৯ নং চিআৰপিএফ বাহিনী আৰু ষষ্ঠ নং সশস্ত্ৰ সীমা বলৰ বিষয়া – জোৱানে অংশগ্ৰহণ কৰে ৷