বঙাইগাঁও ৰ পৰা ষ্টাফ ৰিপৰ্টাৰ প্ৰফুল্ল কুমাৰ দাস।

কেন্দ্ৰীয় চৰকাৰে অচিৰেই গ্ৰেটাৰ কোচবিহাৰ ৰাজ্য তথা গ্ৰেটাৰ কমতাপুৰ ৰাজ্য গঠনৰ প্ৰাকক্ষণত কমতাপুৰ লিবাৰেচন অফ অৰ্গনাইজেচন চমুকৈ কে.এল.অ ই জাতিগত মন্তব্যৰ বিষয়ক লৈ অমত সৃষ্টি কৰি চৰম ভাবুকি প্ৰদান কৰিছে কমতাপুৰ স্বায়ত্ব শাসিত পৰিষদ চমুকৈ ক.এ.চি প্ৰধান গকুল বর্মনক!উল্লেখ যে কে.এ.চি ৰ প্ৰধান বৰ্মনে এখন ৰাজহুৱা সভা ত প্ৰদান কৰা ভাষণৰ মন্তব্যক লৈ অতিকে ক্ষুব্ধ হৈ পৰে কে.এল.অ ৰ জে .এইচ কিউ. ৰ এক আদালতত ! ইয়াৰ পিছতেই কে.এল.অ ৰ সাধাৰণ পৰিষদে কে.এ.চি প্ৰধান গকুল বর্মনক ২৪ঘণ্টাৰ সময় সীমা বান্ধি দিছে জনগোষ্ঠীটোৰ আগত মুকলি ক্ষমা বিচাৰিবলৈ । অন্যথা অসম-বংগ ৰাজ্যৰ প্ৰস্তাৱিত কমতাপুৰ ৰাজ্যৰ পৰা খেদি পঠিয়াব। আৰু কে.এ.চি ৰ পৰা বহিস্কাৰ কৰিবলৈ দাবী উত্থাপিত হৈছে।এইলৈ এতিয়া নামনী অসমৰ বঙাইগাঁও জিলাৰ উত্তৰ শালমাৰাত অৱস্থিত কে.এ.চি ৰ সচিবালয়ত অচলাৱস্থা বিৰাজ কৰিছে ।উক্ত বিষয়টো লৈ এতিয়া অসম-পশ্চিমবংগ ৰাজ্যৰ সাধাৰণ ৰাইজৰ মাজত তীব্ৰ প্ৰতিক্ৰিয়াৰ সৃষ্টি কৰিছে।ইফালে কে.এ.চি ৰ প্ৰধান গকুল বর্মনক কে.এল.অ ৰ বৈদেশিক সচিব তথা মেজৰ কোঁচ পাভেলে দিয়া ভাবুকিৰ এক ভিডিও বাৰ্তা সংবাদ মাধ্যমলৈ প্ৰেৰণ কৰি কি প্ৰকাশ কৰিছে শুনক।