বঙাইগাঁও ৰিপৰ্টাৰ প্ৰফুল্ল কুমাৰ দাস।

শ্ৰীমন্ত শংকৰদেৱ সংঘৰ বঙাইগাঁও জিলা শাখাৰ উদ্যোগত অনুষ্ঠিত হবলগীয়া আগন্তুক কেন্দ্ৰীয় শংকৰদেৱৰ জন্ম জয়ন্তী উৎসৱ আৰু কেন্দ্ৰীয় নাট সমাৰোহ ভাগি অনুষ্ঠিত কৰাৰ আলোম লৈ ইতিমধ্যে ব্যাপক প্ৰস্তুতি আৰম্ভ হৈছে । জানিব পৰা মতে অহা ১৫ আৰু ১৬ অক্টোবৰত অনুষ্ঠিত হবলগীয়া উক্ত কেন্দ্ৰীয় গুৰু জয়ন্তী আৰু নাট সমাৰোহৰ বাবে ইতিমধ্যে বঙাইগাঁও জিলা শাখাৰ ব্যাপক প্ৰস্তুতিয়েই নহয় আৰম্ভ কৰিছে ব্যাপক জাগৰণ সভা।সেয়েহে আজি বঙাইগাঁও জিলা সদৰ চহৰত অৱস্থিত বৰপাৰা ভাটিপাৰা ৺অনিল পাঠক প্ৰাথমিকৰ নামঘৰ প্ৰাঙ্গনত জিলা সভাপতি অতুল চন্দ্ৰ দাস বাপৰ সঞ্চালনাত দ্বিতীয়টো এক বৃহৎ জাগৰণ সভা অনুষ্ঠিত হয়। আৰু জিলা উপ-সভাপতি অনিল ৰায় বাপৰ পৰিচালনাত এফাঁকি ঘোষা প্ৰাৰ্থনাৰে আৰম্ভ হোৱা সভাত উদ্দেশ্য ব্যাখ্যা কৰে জিলা সম্পাদক অজিত চৌধুৰী বাপে।সভাত কেইবাটাও সিদ্ধান্ত গৃহীত হয়। আৰু বঙাইগাঁও আঞ্চলিকৰ মুঠ ১৫খন প্ৰাথমিকৰ শাখাৰ পৰা পাঁচ শতাধিক ভকত-বাপ-বান্ধৱ,আই-মাতৃ উপস্থিত থকা সভাখনত জিলা উপদেষ্টা ক্ৰমে ৰবীন্দ্ৰ নাথ দাস আৰু অমৰেন্দ্ৰ দাস,জিলা উপ সভাপতি অনিল ৰায়; প্ৰহ্লাদ সিংহ,সুজন ৰায় বাপ সমস্ত আদিয়ে উপস্থিত থাকি সাৰুৱা ভাষণ দিয়ে।ইয়াৰ পূৰ্বে সৃজনগ্ৰাম আঞ্চলিক শাখাত এনে জাগৰণ সভা অনুষ্ঠিত হোৱাৰ বিপৰীতে এইবাৰ অভয়াপুৰী আঞ্চলিক শাখাত এই জাগৰণ সভা অনুষ্ঠিত হোৱা কথা বুলি বাটৰিটোত প্ৰকাশ।