ষ্টাফ ৰিপৰ্টাৰ , প্ৰফুল্ল কুমাৰ দাস

সদৌ অসম বেংগলী যুৱ ছাত্ৰ পৰিষদৰ বঙাইগাঁও জিলা সমিতিয়ে আজি বঙাইগাঁও চহৰৰ নতুন পাৰাত অৱস্থিত সংগঠনৰ কাৰ্য্যালয়ত ৩২বাৰ্ষিক প্ৰতিষ্ঠা দিৱস পালন কৰে।
প্রাপ্ত বাতৰিমতে আজি ৰাতিপুৱা ৰাষ্ট্ৰীয় আৰু সংগঠনৰ পতাকা উত্তোলন কৰে ক্ৰমে কেন্দ্ৰীয় সভাপতি মহানন্দ চৰকাৰ দত্ত আৰু জিলা সভাপতি আশীষ বিশ্বাসে ।ইয়াৰ পিছত নেতাজী সুভাষ বসু, স্বামী বিবেকানন্দ, ৰবীন্দ্ৰনাথ ঠাকুৰ আৰু ৰসৰাজ লক্ষ্মীনাথ বেজবৰুৱাৰ প্ৰতিচ্ছবি ত মাল্য অৰ্পণ কৰে ক্ৰমে বঙাইগাঁও পৌৰসভা ৰ অধ্যক্ষ সুবোধ দাস, প্ৰদীপ ৰায়,আৰু কমল ঘোষ আৰু গীত পালে। ইয়াৰ পিছত সমগ্ৰ বঙাইগাঁও চহৰত বাইক ৰেলী বাহিৰ কৰে। আৰু বঙাইগাঁও লৱাৰ আসাম হস্পিতাল ত ৰক্ত দান শিবিৰ অনুষ্ঠিত কৰাৰ লগতে আবেলি জিলা সভাপতি আশীষ বিশ্বাসৰ সঞ্চালনাত অনুষ্ঠিত হোৱা মুকলি সভা ত বিটিএডি ৰ ই -এম গৌতম দাস,চিদলী সমষ্টিৰ বিধায়ক জয়ন্ত বসুমতাৰী, কোচ ৰাজবংশী স্বায়ত্ব শাসিত পৰিষদৰ অধ্যক্ষ গকুল বৰ্মন আদি উপস্থিত থাকি ভাষণ দিয়ে । ইয়াৰ আগতে বন্তি প্ৰজলন কৰে সাংবাদিক অভিদীপ চৌধুৰী, সাধন দে আৰু মহানন্দ আদিয়ে। সভাত বিভিন্ন জনগোষ্ঠীৰ গীত নৃত্য প্ৰদৰ্শন কৰে বুলি বাতৰিটোত প্ৰকাশ।