সৰ্বভাৰতীয় জাতীয় কংগ্ৰেছ(ই) দলে আৰম্ভ কৰা ভাৰত জোড় পদযাত্ৰা কাৰ্য্যসূচী অসমত প্ৰৱেশ কৰাৰ পিছত আজি পঞ্চম দিনা নামনী অসমৰ ধুবুৰী জিলাৰ পূব বিলাসীপাৰা সমষ্টিৰ ধীৰঘাটৰ পৰা আৰম্ভ কৰা পদযাত্ৰা চাপৰৰ গান্ধী ময়দানলৈ আহে ।আৰু চাপৰ গান্ধী ময়দানত চাপৰ শালকোচা ব্লক কংগ্ৰেছ(ই) সমিতিৰ উদ্যোগত অনুষ্ঠিত কৰা এক বিশাল জনসভাত ভাষণ দিয়ে অসম প্ৰদেশ কংগ্ৰেছ(ই) ৰ সভাপতি ভূপেন বৰাই ।প্ৰদেশ কংগ্ৰেছ(ই) ৰ কাৰ্য্যকৰী সভাপতি জাকিৰ হুছেইন চিকদাৰৰ সঞ্চালনাত অনুষ্ঠিত কৰা উক্ত জনসভাত বিধায়ক ৰকিবুল হুছেইন ,বিধায়ক আব্দুল বাটেন খণ্ডকাৰ ,বিধায়ক প্ৰদীপ সৰকাৰ ,বিধায়ক ৱাজেদ আলী চৌধুৰী,প্ৰাক্তন সাংসদ আব্দুল হামিদ ,সৰ্বভাৰতীয় কংগ্ৰেছ(ই) ৰ সম্পাদক অমৃত বাচা ,যুৱ কংগ্ৰেছ(ই) ৰ সম্পাদক নুৰ চফীকুল ৱাহিদ ,ধুবুৰী জিলা কংগ্ৰেছ(ই) ৰ সভাপতি চামছুল ইছলাম আদিয়ে কেন্দ্ৰীয় ৰাজ্য চৰকাৰক কঠোৰ ভাষাৰে সমালোচনা কৰি ভাষণ দিয়ে।অহা কাইলৈ বঙাইগাঁও জিলাৰ বহলপুৰ নিত্য বজাৰৰ পৰা বঙাইগাঁও চহৰলৈ এই ভাৰত জোড় পদযাত্ৰা অহা কথা বুলি জানিব পৰা গৈছে।

বঙাইগাঁও ৰ পৰা ষ্টাফ ৰিপৰ্টাৰ প্ৰফুল্ল কুমাৰ দাস।